کوئٹہ : شوہر نے مبینہ طور پر بیوی کو گلا گھونٹ کر قتل کردیا اور لاش گھر میں چھوڑ کر فرار ہوگیا۔
تفصیلات کے مطابق کوئٹہ کے نواحی علاقے میں کچلاک میں افسوسناک واقعہ پیش آیا، جہاں گھریلو ناچاقی پر شوہر نے مبینہ طور پر اپنی بیوی کو گلے میں پھندا ڈال کر قتل کرکے فرار ہوگیا۔
پولیس نے خاتون کی لاش گھر سے برآمد کرکے ہسپتال منتقل کردی، جہاں اس کی شناخت نازک بی بی کے نام سے ہوئی۔
- Advertisement -
واقعہ کا مقدمہ درج کرکے مزید تفتیش جاری ہے جبکہ ملزم حیات خان کی گرفتاری کے لئے چھاپے مارے جارہے ہیں۔
گذشتہ ماہ حافظ آباد کے لکھیاں گاؤں میں ایک افسوسناک واقعہ پیش آیا تھا، جہاں شوہر نے دوسری کی اجازت نہ ملنے پر بیوی کو قتل کردیا تھا۔
پولیس نے بتایا تھا کہ ملزم دوسری شادی کرنا چاہتا تھا لیکن مقتولہ نے منع کیا تھا، گرفتار ملزم 2 روز قبل سعودی عرب سے واپس آیا تھا۔
