پاکستان نے خوش رہنے والے ممالک کی فہرست میں خطے کے ممالک کو پیچھے چھوڑ دیا ہے۔
اقوام متحدہ کے پلیٹ فارم ’سسٹینیبل ڈیولپمنٹ سلوشنز نیٹ ورک‘ نے خوشی کے عالمی دن کے موقع پر ورلڈ ہیپی نیس رپورٹ 2023 جاری کی ہے۔
اس رپورٹ میں دنیا کے ممالک کی خوشی کے لحاظ سے درجہ بندی کی گئی ہے، فن لینڈ وہ ملک ہے جس نے چھٹی بار دنیا کے سب سے خوش ترین ملک کا اعزاز اپنے نام کیا ہے۔
اس رپورٹ میں پاکستان کا نمبر اگرچہ 108 واں ہے، تاہم اپنے خطے میں مسائل کے باوجود پاکستانی سب سے زیادہ خوش رہنے والی قوم ہے، اس حوالے سے پاکستان نے خطے کے کئی ملکوں کو پیچھے چھوڑ دیا ہے۔
اس رپورٹ میں خوش رہنے والے ممالک میں بھارت، افغانستان اور بنگلادیش بھی پاکستان سے پیچھے ہیں، پاکستان دنیا کا 108 واں خوش ترین ملک ہے، بنگلا دیش کا 118 واں، بھارت کا 126 واں اور افغانستان کا 137 واں نمبر ہے۔ اس فہرست میں افغانستان دنیا کا سب سے ناخوش ترین ملک قرار پاتا ہے۔
دنیا کا ناخوش ترین ملک کون سا؟
’’عالمی خوشی کی رپورٹ 2023‘‘ کے مطابق سب سے زیادہ خوش رہنے والوں میں فن لینڈ چھٹی بار بھی پہلے نمبر پر آیا ہے، جب کہ دوسرے پر ڈنمارک اور تیسرے نمبر پر آئس لینڈ ہے۔