site
stats
سائنس اور ٹیکنالوجی

انٹرنیٹ اور انٹرنیٹ استعمال کرنے والوں کا عالمی دن

آج انٹرنیٹ کے ذریعہ استعمال کیے جانے والے مرکزی سسٹم ورلڈ وائیڈ ویب (ڈبلیو ڈبلیو ڈبلیو) کو تشکیل دیے 25 برس ہوگئے۔ آج کا دن ’انٹرونٹ ڈے‘ کہلاتا ہے جو انٹرنیٹ استعمال کرنے والوں کا نام ہے۔

آج سے 25 سال قبل یورپیئن ریسرچ آرگنائزیشن ’سرن‘ میں ایک برطانوی سائنسدان برنرز لی نے ورلڈ وائیڈ ویب کا نظام تشکیل دیا۔ اس کو قائم کرنے کا مقصد دنیا بھر میں ایک خود کار طریقہ سے معلومات کا تبادلہ کرنا تھا۔

www-2

ورلڈ وائیڈ ویب کے بانی برنرز لی

اس سے قبل 1960 کی دہائی میں انٹرنیٹ کا ایک اور ابتدائی نظام تشکیل دیا جا چکا تھا۔ سرد جنگ کے زمانے میں ناسا کے تحقیقاتی پروجیکٹس پر سوویت یونین کی جانب سے حملہ کا خدشہ تھا۔ یہ حملہ ’ارپننٹ‘ نامی ایک نیٹ ورک سے کیے جانے کا امکان تھا جس کے ذریعہ کمپیوٹرز ایک دوسرے سے بات کرسکتے تھے۔

سنہ 1970 میں اس کا توڑ کرنے کے لیے ایک سائنسدان ونٹن سرف نے کام کرنا شروع کیا۔ ونٹن نے تمام کمپیوٹرز اور نیٹ ورکس کو ایک دوسرے سے جوڑنے کے لیے ’ٹرانسمیشن کنٹرول پروٹوکول‘ نامی نظام تشکیل دیا جسے ٹی سی پی کہا جاتا ہے۔

انٹرنیٹ کا زیادہ استعمال انسانی صحت کے لیے خطرناک *

غریب اور امیر بچوں کے انٹرنیٹ کے استعمال میں فرق *

جیتا جاگتا انٹرنیٹ *

سرف کے اس نظام نے دنیا کو ایک دوسرے سے جوڑ کر انٹرنیٹ کی نئی جہت ایجاد کی۔ 1980 تک سائنسدان ایک سے دوسرے کمپیوٹر میں فائلیں اور ڈیٹا بھیجنے کے لیے اسی نظام کا استعمال کرتے رہے یہاں تک کہ برنرز لی نے موجودہ انٹرنیٹ کی ابتدائی شکل متعارف کروائی جس نے بہت جلد پوری دنیا میں مقبولیت حاصل کرلی۔

یہ نہیں کہا جا سکتا کہ لفظ انٹرنیٹ سب سے پہلے کس نے استعمال کیا۔ دراصل یہ ’انٹر نیٹ ورکنگ‘ کا مختصر کردہ نام تھا جو ونٹن سرف نے 1974 میں استعمال کیا تھا۔ لفظ ’انٹرونٹ‘ انٹرنیٹ اور آسٹرونٹ سے بنایا گیا لفظ ہے جس کا مطلب ہے ایسا شخص جس نے انٹرنیٹ کو تسخیر کرلیا ہو یعنی اسے انٹرنیٹ استعمال کرنے میں پوری مہارت حاصل ہو۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top