سوشل میڈیا پر ڈائیلاگ پر دلچسپ پیروڈی گانوں نے مشہور ہونے والے فنکار یش راج مکھاٹے شادی کے بندھن میں بندھ گئے۔
یش راج مکھاٹے آن لائن وائرل میمز پر مواد تخلیق کرنے کے لیے مشہور ہیں ان کے مشہور پیروڈی گانوں میں ’رسوڑے میں کون تھا‘ ’پاوڑی ہورہی ہے۔‘ شامل ہیں۔
فوٹو اور ویڈیو شیئرنگ ایپ انسٹاگرام پر یش راج نے گرل فرینڈ الپنا کے ساتھ شادی کے کاغذات پر دستخط کرتے ہوئے ایک تصویر شیئر کرکے مداحوں کو شادی کی اطلاع دی۔
- Advertisement -
اس پرمسرت موقع پر یش راج نے آف وائٹ شیروانی زیب تن کی جبکہ الپنا نارنجی اور سرخ رنگ کی ساڑھی، سونے کے زیورات میں ملبوس ہیں۔
یشراج نے اپنے مشہور اور مزاحیہ انداز میں کیپشن میں لکھا ہے کہ ’آج دو بڑے تعاون ہوئے، الپنا اور میں نے اپنی شادی رجسٹر کروائی ہے۔‘
سوشل میڈیا صارفین کی جانب سے یش راج مکھاٹے اور الپنا کو شادی کی مبارکباد دی جارہی ہے۔
