site
stats
سائنس اور ٹیکنالوجی

اپنے گھر میں اپنا ذاتی آئن اسٹائن رکھنا چاہیں گے؟

کیا آپ کو سائنس پڑھنے یا اپنے بچوں کو پڑھانے میں مشکل پیش آتی ہے؟ تو آپ کی یہ مشکل پروفیسر آئن اسٹائن حل کرسکتے ہیں۔

انیسویں صدی کے معروف سائنسدان آئن اسٹائن نے کہا تھا، ’اہم یہ ہے کہ سوال پوچھا جائے، کسی شے کا تجسس بھی ایک قابل توجیہہ وجود ہے جس کا جواب تلاش کیا جانا ضروری ہے‘۔

ان کے مطابق جب تصورات اور معلومات کو یکجا کردیا جائے تو آپ آسمان کو چھو سکتے ہیں۔

اب ایسے ذہین اور قابل پروفیسر کو کون اپنے گھر میں نہ رکھنا چاہے گا؟ سو آپ کے لیے خوشخبری ہے کہ سائنس سیکھنے اور سمجھنے کے لیے اپنے گھر میں اپنا ذاتی پروفیسر آئن اسٹائن رکھ سکتے ہیں۔

پروفیسر آئن اسٹائن دراصل 14 انچ کا ایک چھوٹا سا روبوٹ ہے جو چہرے کے تاثرات کا حامل اور مصنوعی ذہانت سے بھرپور ہے۔ یہ آپ کو آپ کے اسمارٹ فون کے ذریعے سائنس پڑھا سکتا ہے۔

یہ منفرد روبوٹ ہینسن روبوٹکس نامی کمپنی نے ایجاد کیا ہے جو آپ کی ذہانت کو چیلنج کرسکتا ہے۔

دیکھنے میں یہ روبوٹ بالکل حقیقی آئن اسٹائن جیسا ہے اور اپنے چہرے پر زندگی سے بھرپور تاثرات بھی رکھتا ہے۔ اس سے گفتگو کرنا یقیناً آپ کے لیے ایک دلچسپ اور منفرد تجربہ ہوگا۔

آپ کے اسمارٹ فون سے ایک ایپ کے ذریعے چلنے والا یہ روبوٹ آپ کو مختلف سوالات اور ذہانت پر مبنی کھیلوں کی بنیاد پر آپ کو آئی کیو پوائنٹس بھی دے گا یعنی آپ کی ذہانت میں روز بروز اضافہ ہوتا جائے گا۔

فی الحال یہ روبوٹ صرف امریکا، برطانیہ اور ہانگ کانگ میں دستیاب ہے اور دلچسپ بات یہ ہے کہ اس کی قیمت بھی نہایت کم ہے اور آپ باآسانی اسے خرید سکتے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top