اسلام آباد: چیئرمین تحریک انصاف عمران خان نے کہا ہے کہ موجودہ حکمران جمہوریت کا نہیں بادشاہت کا تجربہ رکھتے ہیں،حکومت جوڈیشل کمیشن کے مطالبے سے پیچھے ہٹی تو پھر سڑکوں پر ہوں گے۔
اسلام آباد میں پریس کانفرنس کے دوران حکومت پر کڑی تنقید کرتے ہوئے عمران خان نے کہا کہ حکومت اور اپوزیشن مک مکا کی سیاست کر کے ملک کی بندر بانٹ کر رہے ہیں،پنجاب پولیس کا غلط استعمال اور لینڈ مافیا کو تحفظ فراہم کیا جا رہا ہے ۔شریف برادران کے اثاثے چند سالوں میں اربوں روپے تک پہنچ گئے اور کوئی پوچھنے والا۔
عمران کان نے کہا کہ سانحہ پشاور کے باعث حکومت کی راہ میں کسی قسم کی رکاوٹ بنے بغیر کام کرنے کا موقع دینا چاہتے تھے،،مگر جوڈیشل کمیشن کے قیام میں تاخیرقابل قبول نہیں۔حکومت آئین کے آرٹیکل دو سو اٹھارہ کے تحت دھاندلی کی تحقیقات کروائے یا پھر بھرپور احتجاج کے لئے تیار ہے۔
عمران خان نے کہا کہ اکیسویں ترمیم کے حوالے سے حامد خان کے موقف کو تحریک انصاف کی نمائندگی نہ سمجھا جائے۔اس موقع پر عمران خان نے این اے ایک سو بائیس کے کیس کی روزانہ کی بنیاد پر سماعت کے لئے الیکشن کمیشن سے رجوع کرنے کا بھی اعلان کیا۔
صحافی کے سول نافرمانی ختم کرنے کے سوال پر عمران خان نے غیر رسمی گفتگو میں بتایا کہ عمران خان تو ٹھنڈے پانی سے نہا سکتا ہے مگر نو سال کی بچی نہیں،،اس لئے بجلی کا بل جمع کروا دیا۔
