اسلام آباد: ایم کیوایم ارکان نےسینٹ سےواک آؤٹ کردیا،انہوں نےالزام لگایا ہے سادہ لباس اہلکارڈیتھ اسکواڈ بنے ہوئےہیں،سادہ لباس اہلکاروں کےہاتھوں کارکنوں کی گرفتاری روکنے کاوزیراعظم کاوعدہ پورا نہیں ہوا۔
سینٹ سے خطاب کرتے ہوئےایم کیوایم کےرہنمابابرغوری نےکہا کہ کراچی میں سادہ لباس اہلکاروں کےہاتھوں کارکنوں کواٹھانےکاسلسلہ جاری ہے، یہ اہلکارڈیتھ اسکواڈ بنےہوئےہیں اورقانون سےماورا اقدامات کررہےہیں۔
انہوں نے کہا کہ وزیراعظم نے وعدہ کیا تھا کہ سادہ لباس اہلکاروں کولوگوں کوتنگ کرنےسےروکاجائےگا، لیکن ان کاوعدہ پورا نہیں ہوا۔
جبکہ سینیٹرنسرین جلیل نےاے آروائی نیوزسے بات کرتے ہوئے کہا کہ وزیراعظم آئی جی کوبلاکرسرزنش کریں ورنہ معاملہ بہت آگے تک جائےگا۔
نسرین جلیل کا کہنا تھا کہ ایم کیوایم کےکارکن سہیل احمد کی لاش ملنےپربھی ایم کیوایم نے سخت احتجاج کیا تھا،سہیل احمد کوسادہ لباس اہلکاراٹھاکرلے تھے،تقریبا ڈیڑھ ماہ بعد ان کی تشدد زدہ لاش ملی۔
