دوہزار تیرہ پاکستان فلم انڈسٹری کی بحالی کا سال ثابت ہوا، کئی فلموں نے نہ صرف پاکستان بلکہ بین الاقوامی سطح پر بھی کامیابی کے جھنڈے گاڑے۔
فلم وار، میں ہوں شاہد آفریدی، لمحے دا سیڈلنگ، زندہ بھاگ جیسی کئی فلموں نے پاکستان کی سینما انڈسٹری کو ایک بار پھر اپنے پیروں پر کھڑا کردیا اور بندھ ہوتے ہوئے سینما گھروں میں ایک بار پھر ہاوس فل کے بوڈز لگنے لگے۔
فلم انڈسٹری سے وابستہ شخصیات سال دو ہزار تیرہ کو پاکستان فلم انڈسٹری کی بحالی اور کامیابی کا سال قرار دے رہے ہیں، رواں سال پاکستان میں 35 فلمیں ریلیز ہوئیں، جس میں 11اردو، 6پنجابی، 17 پشتو فلمیں شامل ہیں۔
سال کی سب سے بڑی فلم وار پاکستان میں تہلکہ مچانے کے بعد اب دبئی سمیت کئی ممالک میں سینما گھروں میں نمائش کے لیے پیش کی جارہی ہے، ہمایوں سعید کی فلم میں ہوں شاہد آفریدی کے چرچے بھی پاکستان کے ہر شہر میں سنے گئے اور سال کی دوسری بڑی فلم قرار پائی۔
چمبیلی اور زندہ بھاگ بھی شہریوں کو سینما گھروں میں لانے میں کامیاب رہی، ان تمام فلموں کی بہترین ادکاری ، دور جدید کی ٹیکنالوجی اور فلم کے ہر شعبے میں ماہرین کی خدمات لی گئی تھیں جبکہ کئی بھارتی فنکار بھی پاکستانی فلموں میں نظر آئے۔
