داؤدی بوہری جماعت کے روحانی پیشوا سید برہان الدین کے انتقال پر تعزیت کا سلسلہ جاری ہے، تحریک انصاف اور ایم کیو ایم کے رہنما کراچی میں مرکزی طاہری مسجد پہنچے اور تعزیت کا اظہار کیا۔

تحریک انصاف کے مرکزی رہنما شاہ محمود قریشی نے وفد کے ہمراہ بوہری جماعت کے روحانی پیشوا سید برہان الدین کے انتقال پر طاہری مسجد جا کر بوہری برادری سے تعزیت کا اظہارکیا۔

شاہ محمود قریشی کا کہنا تھا کہ سید برہان الدین کی علمی دینی خدمات کو ہمیشہ یاد رکھا جائے گا، انھوں نے ملکی حالات پر کہا کہ امن قائم ہونے تک خوشحالی نہیں آئے گی۔ 

ایم کیو ایم کی جانب سے عبدالحسیب خان نے بھی وفد کے ہمراہ طاہری مسجدجا کر برادری سے تعزیت کی، اُن کا کہنا تھا کہ برہان الدین کی وفات امہ کیلئے بڑا نقصان ہے۔