لاہور: گزشتہ رات لاہورمال روڈپرٹیلی فون ایکسچینج کی عمارت میں لگنے والی آگ پر قابو پالیا گیا ہے،تاہم آگ لگنےکے باعث معطل ہونےوالی ٹیلی فون اورانٹرنیٹ سروس تاحال بحال نہیں ہو سکی۔
لاہور میں گزشتہ رات مال روڈ ٹیلی فون ایکسچینج میں اچانک آگ بھڑک اٹھی۔فائر بریگیڈ نے موقع پر پہنچ کر آگ پر قابو پالیا،تاہم صبح کے وقت عمارت میں دوبارہ آگ بھڑک اٹھی جس پر قابو پانے کےلئے تاحال کوششیں جاری ہیں۔
آگ لگنے کے باعث شہربھرمیں ٹیلفون ،انٹرنیٹ سمیت ایمرجنسی ون فائیو سروس بھی معطل ہوگئی ہےجبکہ لاہور شہر کا بیرون ملک سے لینڈ لائن رابطہ بھی ختم ہوگیا ہے تاہم موبائل فون پر رابطوں کا سلسلہ بدستور جاری ہے۔
ڈی سی اولاہورکاکہناہے کہ ابتدائی طورآتشزدگی کی وجہ شارٹ سرکٹ معلوم ہوتی ہے۔تاہم حتمی طورپر تحقیقات کے بعد ہی کچھ واضح ہوگا۔
Comments
- Advertisement -
