نیویارک :امریکا کے شہر نیویارک میں مسافر کار ٹرین کی زد میں آگئی، جس کے نتیجے میں چھ افراد ہلاک اور متعدد زخمی ہوگئے۔
غیر ملکی خبر رساں ادارے کے مطابق نیویارک کے وال ہیلا میں تیز رفتار میٹرو نارتھ ٹرین نے کار کو ٹکر مار دی، جس کے نتیجے میں کار کا ڈرائیور سمیت چھ افراد ہلاک ہوگئے۔
- Advertisement -
حادثے میں متعدد افراد زخمی بھی ہوئے، جنہیں امدادی ٹیموں کے اہلکاروں نے فوری طور پر طبی امداد کے لئے قریبی اسپتالوں میں منتقل کردیا ہے۔
نیویارک حکام کے مطابق حادثہ نیویارک سٹی سے اڑتالیس کلومیٹر دور پیش آیا، حادثے کے بعد گاڑی اور ٹرین کی بوگی میں آگ بھڑک اُٹھی۔
حادثے کے باعث میڑو ٹرین سروس بھی معطل ہوگئی، تاہم واقعے کی تحقیقات کا آغاز کردیا گیا ہے۔
