کراچی: رینجرز نے زہرہ شاہد قتل کیس کے مرکزی ملزم کلیم کو گرفتار کر کے اسلحہ برآمد کر لیا ، قصبہ اور بھینس کالونی میں سیاسی جماعت کے دفاتر پر چھاپے،تین کارکن گرفتار کر لیے گئے ۔
پاکستان تحریک انصاف کی مقتول رہنما زہرہ شاہد کے قتل میں ملوث مرکزی ملزم کو رینجرز نےکراچی میں کلفٹن تین تلوار چوک کے علاقے سے گرفتار کرلیا۔
ترجمان رینجرز کا کہنا ہے کہ ٹارگٹ کلر کیلم قتل کی دیگروارداتوں میں بھی ملوث ہے، گرفتارملزم کلیم سےاسلحہ بھی برآمد ہوا، ملزم کو پولیس کے حوالے کر دیا گیا ہے۔
- Advertisement -
بتایا جاتا ہے کہ زہرہ شاہد قتل کیس میں دو ملزمان راشد عرف ٹیلراورزاہد عباس عرف زیدی کو عینی شاہدین شناخت کرچکے جبکہ آصف ،جنید بخاری اورعاطف کو مفرورقراردیا جاچکا ہے۔
