کیلیفورنیا : آئی فون بنانے والی امریکی ٹیکنالوجی کمپنی ایپل نے اپنے صارفین کا دیرینہ مسئلہ حل کردیا، نئی اپڈیٹ متعارف کرادی۔
ایپل نے ڈیلیٹ تصاویر سے متعلق درپیش مسئلے کے حل کے لیے آئی او ایس 17 اور آئی پوڈز 17کے لیے اپ ڈیٹس جاری کی ہیں۔
غیر ملکی خبر رساں ادارے کی رپورٹ کے مطابق گزشتہ ہفتے کچھ صارفین نے سماجی رابطے کے پلیٹ فارم پر پیش آنے والے ایک مسئلے کی نشان دہی کی تھی۔
جس کی وجہ سے کئی سال پہلے ڈیلیٹ کی گئی تصاویر دوبارہ فوٹوز ایپ میں دِکھائی دے رہی تھیں،ان میں سے کچھ تصاویر 2010 کی بھی ہیں جو صارفین کو الجھن میں مبتلا کررہی تھیں۔
صارفین کو درپیش مشکلات کے حل کیلئے ایپل نے ایک اپ ڈیٹ جاری کی ہے اس حوالے سے کمپنی کے رجمان کا کہنا ہے کہ اس اپ ڈیٹ کے بعد ڈیلیٹ تصاویر دوبارہ نظر آنے کا مسئلہ ختم ہوجائے گا۔
رپورٹ کے مطابق یہ نہیں بتایا گیا کہ کتنے صارفین کو اس قسم کی شکایات تھیں تاہم اب تمام صارفین کو مذکورہ اپ ڈیٹ انسٹال کرنے کا کہا گیا ہے۔
ترجمان ایپل کمپنی کے مطابق یہ نیا سافٹ ویئر آئی او ایس 17.5.1 صارفین کے لیے ہے، جسے انسٹال کرنے کیلئے اپ ڈیٹ سیٹنگز ایپ میں جنرل نامی آپشن پر کلک کریں، اس کے بعد سافٹ ویئر اپڈیٹ کو منتخب کریں۔
