گڑھی خدا بخش: شہید محترمہ بے نظیربھٹو کی ساتویں برسی آج عقیدت واحترام سے منائی جارہی ہے، بڑی تعداد میں جیالے گڑھی خدا بخش پہنچ رہے ہیں، برسی پر سیکیورٹی کے انتہائی سخت انتظامات کیے گئے ہیں۔
سابق وزیرِاعظم بے نظیر بھٹو کی برسی آج منائی جارہی ہے، برسی کی بڑی تقریب گڑھی خدا بخش میں ہوگی، جس میں شرکت کے لیے پیپلز پارٹی کے مرکزی قائدین سمیت ملک بھرسے جیالے قافلوں کی صورت میں گڑھی خدا بخش پہنچ رہے ہیں۔
برسی میں شرکت کے لئے سینکڑوں قافلے گزشتہ روز ہی پہنچ گئے تھے۔
- Advertisement -
برسی کے موقع پر سیکورٹی کے سخت ترین انتظامات کیے گئے ہیں جبکہ برسی کی تقریبات کی تمام تیاریاں کرلی گئی ہیں، لوگ بڑی تعداد میں بے نظیر بھٹو کے مزار پر حاضری دے کر قرآن خوانی کررہے ہیں۔
