اسلام آباد: جسٹس ریٹائرڈ سردار رضا خان آج چیف الیکشن کمشنر کے عہدے کا حلف اٹھائیں گے، چیف جسٹس سپریم کورٹ ناصرالملک ان سے حلف لیں گے۔
جسٹس ریٹائرڈ سردار رضا نے وفاقی شرعی عدالت کے چیف جسٹس کے عہدے سے استعفی دے دیا ہے، جس کے بعد وزارتِ پارلیمانی امور نے ان کی بطور چیف الیکشن کمشنر تعیناتی کا نوٹیفیکیشن جاری کیا، نوٹیفیکیشن کے مطابق جسٹس ریٹائرڈ سردار محمد رضا کو آئندہ پانچ برس کیلئے چیف الیکشن کمشنر مقرر کیا گیا ہے، ان کی مدت حلف اٹھانے کے دن سے شروع ہوگی۔
جسٹس ریٹائرڈ سردار رضا خان کیلئے سب سے بڑا چیلنج الیکشن کمیشن کی غیرجانبداری کا تاثر بحال کرنا ہے، دو ہزار تیرہ کے انتخابات کے بعد لگنے والے الزامات نے ادارے کی ساکھ کو بری طرح متاثر کیا ہے۔
