ریاض: سعودی عرب میں رواں سال سزائے موت کی شرح میں اضافہ ہوا ہے، قتل کے مجرم سعودی شہری اورمنشیات کی اسمگلنگ میں ملوث پاکستانی شہری کی سزائے موت پرعمل درآمد کردیا گیا۔
وزارتِ داخلہ کے مطابق نادربن موسیٰ الہربی نامی سعودی شہری کو ایک ہم وطن بندر بن محیاالہربی کے قتل کے جرم میں ہیل نامی شہرمیں سزا دی گئی۔
پاکستانی شہری بن یامین علی احمد کو پیٹ میں منشیات بھرکراسمگل کرنے کی کوشش میں گرفتارکیا گیا اوراسے جدہ میں سزا دی گئی۔
- Advertisement -
حالیہ سزاؤں کے بعد رواں سال سعودی عرب میں دی جانے والی سزائے موت کی تعداد 53 ہوچکی ہے جبکہ گذشتہ برس سعودی عرب میں کل 87 افراد کو سزائے موت دی گئی تھی۔
سعودی عرب میں 2011 سے 80 کے لگ بھگ پھانسیاں دی جاتی ہیں۔
سعودی عرب کے برعکس ایران میں گزشتہ سال جنوری سے اب تک ایک ہزار سے زائد افراد کوسزائے موت دی گئی۔
