بھارتی وزیرمملکت ششی تھرور کی اہلیہ آنجہانی سنندا پشکر کی حتمی پوسٹ مارٹم رپورٹ تیار ہوگئی، جس میں سنندا کی موت کا ایک سبب بڑی تعداد میں خواب آور گولیوں کا استعمال بھی بتایا گیا ہے۔
بھارت کے وزیر مملکت برائے انسانی وسائل ششی تھرور کی اہلیہ کی پراسرار موت کی تحقیقات جاری ہیں، ششی کی اہلیہ کی پوسٹ مارٹم رپورٹ سامنے آگئی ہے، پوسٹ مارٹم رپورٹ کے مطابق ان کی موت خواب آور ادوایات کی زیادتی بھی ہوسکتی ہے۔
میڈیکل رپورٹ میں سنندا پشکر کے جسم سے الکوحل کے شواہد نہیں ملے نہ ہی ان کے معدے میں زہریلا مادہ پایا گیا، ششی تھرور نے وزارت داخلہ کو خط بھی لکھا ہے، جس میں کیس میں مکمل تعاون کی یقین دھانی کروائی گئی ہے۔
ششی تھرورکا پاکستانی خاتون صحافی سے معاشقے کا اسکینڈل سامنے آنے کے بعد بھارتی وزیر کی اہلیہ سنندا پشکر نئی دہلی کے ایک ہوٹل میں مردہ پائی گئیں، جس کے بعد یہ سوال اٹھا کہ یہ قتل تھا یا خودکشی۔۔؟؟ نئی دہلی پولیس کو ان کے کمرے سے خواب آور ادوایات کے پیکٹس بھی ملیں ہیں۔
پولیس نے ہوٹل کے ملازمین سے بھی پوچھ گچھ کی، سنندا پشکر کے شوہر اور قریبی رشتے داروں نے بیان ریکارڈ کرا دیئے، جن کے مطابق موت سے قبل آخری رات سنندا کا ششی تھرور کے درمیان جھگڑا ہوا تھا۔