ممبئی: فواد خان بھارت میں ایوارڈ حاصل کرنیوالے پہلے پاکستانی اداکاربن گئے ،اُنہیں اپنی فلم ’خوبصورت‘ کے لئے بہترین نئےاداکارکا ایوارڈ دیاگیا۔
فواد خان نے ایوارڈ ساتھی اداکارہ سونم کپوراورجھٹلکا ملہوترا سےوصول کیا۔
ساٹھویں فلم فیئرایوارڈ کے موقع پر ایوارڈ وصول کرتے ہوئے فواد خان نے ’خوبصورت‘ کے پروڈیوسر، ساتھی ادکارہ سونم کپور اوردیگر ٹیم ممبران کا شکریہ اداکرتے ہوئے شرکاءسے اپنے تجربات شیئرکیے اور کہا کہ ’’ میرے مداح ہی میری اصل کامیابی ہیں اور پاکستان اور بھارت کے لوگوں سے محبت سمیٹنا بہت ہی خوبصورت احساس ہے‘‘۔
کپل شرماکی میزبانی میں ہونیوالے فلم فیئرایوارڈ میں کنگنارناوت کو بہترین ادکارہ جبکہ شاہد کپور کو فلم حیدر کے لیے ایوارڈ دیاگیاجبکہ سلمان خان کی دھماکے دار انٹری نے ماحول کو مزید خوشگوار بنادیاتاہم یہ پہلا موقع تھا کہ بالی ووڈ کے ’بادشاہ‘شاہ رخ خان کو کوئی نامزدگی نہیں ملی حالانکہ 2014ءمیں اُن کی فلم ’ہیپی نیو ایئر‘ کامیاب ہوئی تھی ۔