اسلام آباد : پاکستان پیپلزپارٹی کے رہنماءاور قومی اسمبلی میں اپوزیشن لیڈر سید خورشید شاہ نے کہا ہے کہ تمام فیصلوں کا اختیار صرف پارلیمنٹ کو حاصل ہے، دھرنے کو بنیاد بنا کر وزیراعظم کونہیں ہٹایاجاسکتا،آزادی اورانقلاب والےعوام کو ورغلا نہیں سکتے ۔
سیاستدانوں نے ہی صحیح معنوں میں انقلاب برپا کیا ہے،ان خیالات کااظہارانہوں نے سردارایازصادق کی زیرصدارت پارلیمنٹ کے مشترکہ اجلاس سے خطاب کرتے ہوئے کیا۔
سید خورشیدشاہ نے کہا کہ یہ پارلیمنٹ کی تاریخ کا طویل ترین مشترکہ اجلاس ہے، جس مثبت نتائج نکلے ہیں،انہوں نے کہا کہ یہ ہماری بد قسمتی ہے کہ تمام خرابیوں کا ذمہ دارسیاست دانوں کوقرارجاتا ہےاورنوجوان نسل کے ذہنوں میں بھی یہ بات بٹھائی جاتی ہےکہ برائی کی جڑسیاست دان ہیں۔
انہوں نےیہ بھی کہاکہ حقیقت یہ ہے کہ چھپن سال کی سیاست نے ملک کا بیڑہ غرق کیا، اورجن لوگوں نے ملک کو اس حال تک پہنچایا ان پر کوئی انگلی نہیں اٹھاتا۔
