لاہور: انسدادِ دہشت گردی کی خصوصی عدالت نے سانحہ کوٹ رادھا کشن کے انتالیس ملزمان کے جوڈیشل ریمانڈ میں سات روز کی توسیع کردی۔
پولیس کی جانب سے سانحہ کوٹ رادھا کشن کے انتالیس مبینہ ملزمان کو سات روزہ جوڈیشل ریمانڈ ختم ہونے پر آج صبح انسداد دہشت گردی کی خصوصی عدالت میں پیش کیا گیا، جہاں ملزما ن کی جانب سے درخواست کی گئی کہ ان سے کیس کی تفتیش جیل میں کی جائے تھانے میں نہیں کیوں کہ سکیورٹی کے حوالے سے انھیں خدشات ہیں اور تھانے میں کوئی بھی ناخوشگوار واقعہ پیش آسکتا ہے ۔عدالت نے ملزمان کے ریمانڈ میں سات دن کی توسیع کرتے ہوئے ملزمان کو جیل میں رکھنے کا حکم دیا ہے۔
عدالت نے حساس نوعیت کے پیشِ نظر تفتیش کے مکمل ہونے تک ملزمان کو جیل میں رکھنے کی درخواست منظور کرلی ہے، سانحہ کوٹ رادھا کشن میں مسیحی جوڑے کو مشتعل ہجوم نے زندہ جلادیا تھا۔
- Advertisement -
