لندن: برطانوی ماہرین نے کمپیوٹر کے زیادہ استعمال کو نوجوان لڑکوں کی ہڈیوں کی صحت کے لئے نقصان دہ قرار دیدیا ہے۔
برطانوی ماہرین کی تحقیقاتی رپورٹ کے مطابق جو نوجوان لڑکے کمپیوٹر کے آگے زیادہ وقت صرف کرتے ہیں، ایسے لڑکوں کی ہڈیوں کی ساخت کو سخت نقصان پہنچتا ہے اور وہ کمزور ہو جاتی ہیں، اس سے ہڈیوں میں موجود نمکیات کے تناسب پر منفی اثر پڑتا ہے، جس سے ان کی ہڈیوں کی جسامت بری طرح سے متاثر ہوتی ہے۔
ہڈیوں کا کمزور ہونا جوڑوں کی بیماری اور ہڈی کے ٹوٹنے کا سبب بنتا ہے تاہم نوجوان لڑکے اس غیر صحت مندانہ عادت کو ترک کر ہڈیوں کی صحت کو برقرار رکھ کر صحت مند زندگی بسر کر سکتے ہیں۔
Comments
- Advertisement -
