کراچی: گزشتہ ہفتے ڈی آئی جی ٹریفک پولیس نے کہا کہ شہر میں ہونے والے ٹریفک حادثات میں 60 فیصد اموات موٹر سائیکل پر سفر کرنے والوں کی ہوتی ہے، اموات کی بنیادی وجہ ہیلمٹ کا استعمال نہ کرنا ہوتا ہے، اس لئے ہیلمٹ کا استعمال بہت ضروری ہے۔
ان کا کہنا تھا کہ موٹر سائیکل چلانے والے شخص کے ساتھ پیچھے بیٹھنے والے خواہ وہ مرد ہو یا عورت دنوں کو لازمی ہیلمٹ پہننا ہوگا، خلاف ورزی کرنے والے افراد کے خلاف 150روپے سے 300 روپے تک کے چالان کے ساتھ قانونی چارہ جوئی بھی کی جائے گی۔
کراچی کے باسیوں کا کہنا ہے کہ پابندی سے ناصرف اہلکاروں کی چاندی ہوگی بلکہ ہیلمٹ کے کاروبار سے وابستہ دکاندار من چاہی رقم بٹوریں گے۔
موٹر سائیکل چلاتے وقت ہیلمٹ پہننا آخر کیوں ضروری ہے یا اس سے کیا فائدہ حاصل ہوسکتا ہے۔نظر ڈالتے ہیں ہیلمٹ کے پانچ اہم فوائد پر۔
۔۔ ہیلمٹ پہننے سے آپ خود کو محفوظ سمجھتے ہیں ہر قسم کے پیش آنے والے حادثات میں زندگی قدر حد تک محفوظ رہتی ہے۔
۔۔ انسان زندگی کے لئے چہرہ اور سر بہت اہمیت رکھتاہے،سر پر چھوٹی سی چوٹ انسان کے موت کا باعث بن سکتی، اس لئے ہیلمٹ پہننے سے کسی بھی حادثے میں اپکا سر اور آنکھیں محفوظ رہتی ہیں۔
۔۔ جیسا کہ آج کا نوجوان خوبصورت اور دلکش نظر آنے کا خواہش مند ہوتا ہے اس کے لئے طرح طرح کے اقدامات کرتا ہے ان کے لئے ہیلمٹ بہت فائدے مند ہے، کیونکہ ہیلمٹ پہننے سے دھول ، مٹی اور خصوصی طور دھوپ سے بچا جاسکتا ہے۔
۔۔ ہیلمٹ پہننے سے نہ صرف آپ کا چہرہ محفوظ رہتا ہے بلکہ اپکی شناخت بھی چھپی رہتی ہے ۔
؎۔۔ انسان کتنا ہی صحت مند کیوں نہ ہو لیکن کھلی فضاء میں سفر کرنا اسے تھکا دیتا ہے لیکن ہیلمٹ پہننے سے آپ کا چہرہ تازہ اور گرد الود سے پاک رہتا جس سے مسافر کو تھکاوٹ نہیں ہوتی۔
