سکھر: بینک آف پنجاب میں صارفین کے اکاؤنٹ سے کروڑوں روپے نکالے جانے کا انکشاف ہوا ہے، پولیس نے بینک کے دو افسران کے خلاف مقدمہ درج کرلیا۔
تفصیلات کے مطابق بینک آف پنجاب سکھر برانچ میں کروڑوں روپے کے غبن کا انکشاف ہوا ہے، یہ غبن صارفین کے اکاؤنٹس میں ہوا جن سے رقم نکالی گئی۔
پولیس کے مطابق بینک کے دو افسران اس غبن میں ملوث ہیں، دو مختلف اکاؤنٹس سے مجموعی طور پر 3 کروڑ روپے سے زائد رقم نکالی اور غائب ہوگئے، غبن پر بینک آف پنجاب کے منیجر اور اسسٹنٹ منیجر ملوث ہیں جن کے خلاف تھانے میں مقدمہ درج کرلیا گیا ہے۔
- Advertisement -
پولیس کے مطابق پولیس اور ایف آئی اے کی جانب سے ملزمان کی تلاش میں چھاپے مارے جارہے ہیں۔
