ترکی میں 3 پاکستانی مبینہ طور پر اغوا، تاوان طلب -
The news is by your side.

Advertisement

ترکی میں 3 پاکستانی مبینہ طور پر اغوا، تاوان طلب

انقرہ: ترکی میں 3 پاکستانی نوجوانوں کو مبینہ طور پر اغوا کر لیا گیا۔ پاکستانی سفارتخانے نے ترک حکام کو صورتحال سے آگاہ کردیا ہے۔

تفصیلات کے مطابق ترکی کے شہر استنبول میں 3 پاکستانی نوجوانوں کو مبینہ طور پر اغوا کر لیا گیا۔ اغوا کاروں نے رہائی کے لیے تاوان طلب کیا ہے۔

نوجوانوں کے اہلخانہ کا کہنا ہے کہ ذیشان، مدثر اور فرید کو 6 مارچ کو اغوا کیا گیا۔ ان کی رہائی کے لیے ساٹھ ہزار ڈالر تاوان طلب کیا گیا ہے۔

مغوی ذیشان کے کزن کے مطابق انہوں نے ایف آئی اے سے رابطہ کیا ہے۔ اغوا کاروں کی دی گئی 48 گھنٹے کی ڈیڈ لائن کل ختم ہو رہی ہے، وزیر داخلہ مدد کریں۔

اہلخانہ کا کہنا ہے کہ اغوا کار نے سوشل میڈیا کے ذریعے تاوان پشاور میں ادا کرنے کا کہا ہے۔ اغوا کار نوجوانوں پر تشدد بھی کر رہے ہیں۔

پاکستانی سفارتخانے نے خط کے ذریعے ترک حکام کو معاملے سے آگاہ کر دیا ہے۔ ترک پولیس اور حکام نے نوجوانوں کی بازیابی کے لیے کوششیں شروع کر دی ہیں۔

Comments

comments

یہ بھی پڑھیں