چھ سالہ پاکیزہ کی نمازجنازہ ادا، میڈیکل رپورٹ میں زیادتی ثابت ہوگئی -
The news is by your side.

Advertisement

چھ سالہ پاکیزہ کی نمازجنازہ ادا، میڈیکل رپورٹ میں زیادتی ثابت ہوگئی

کراچی : اورنگی ٹاؤن میں چھ سالہ بچی قتل کیس کی ابتدائی میڈیکل رپورٹ آگئی، تفصیلات کے مطابق کراچی کے علاقے اورنگی ٹاؤن میں شادی ہال سے سات روز قبل لاپتہ ہونےوالی بچی سےزیادتی ثابت ہوگئی۔

لیڈی ایم ایل او کے مطابق لاش سات دن پرانی ہونے سے موت کی وجہ معلوم نہ ہوسکی جسم پر تشدد کے نشانا ت بھی ڈوبنے کی وجہ سے غائب ہوگئے، کیمیائی تجزیے کےبعد موت کی وجہ معلوم ہوسکےگی۔

علاوہ ازیں چھ سالہ پاکیزہ کی نماز جنازہ ادا کردی گئی، نماز جنازہ میں علاقہ مکینوں کی بڑی تعداد نے شرکت کی۔ ننھی پاکیزہ کی میت سرد خانے سے گھر پہنچنے پر گھر میں کہرام مچ گیا۔

چھ سالہ پاکیزہ کی نماز جنازہ ضیاء کالونی میں ادا کی گئی۔ ایس پی اورنگی نے ایک بار پھر سے جائے وقوعہ کا جائزہ لینے کے بعد شادی ہال کو سیل کردیا، جبکہ شادی ہال کے اطراف پولیس کی نفری تعینات کردی گئی۔

دوسری جانب بچی کی لاش ملنے کے بعد ہال مینجرسمیت دس افراد کوحراست میں لے لیاگیا ہے، ایس پی اورنگی کے مطابق واقعے میں ملوث ملزمان کی گرفتاری کے لئے خصوصی ٹیم اندورن سندھ روانہ ہوگئی ہے اور بہت جلد ملزمان کو گرفتار کرلیا جائیگا۔

Comments

comments

یہ بھی پڑھیں