کراچی: کے الیکٹرک نے ہیٹ ویو میں بجلی لوڈ شیڈنگ کےخاتمے کیلئے درخواست پر جواب میں کہا ہے کہ 2029 اور 2030 تک 95 فیصد فیڈرز پر لوڈ شیڈنگ نہیں ہوگی۔
تفصیلات کے مطابق سندھ پائی کورٹ میں ہیٹ ویو میں بجلی لوڈ شیڈنگ کےخاتمے کیلئے جماعت اسلامی کی درخواست پرسماعت ہوئی، کےالیکٹرک کی جانب سے جواب سندھ ہائیکورٹ میں جمع کرادیا گیا۔
جس میں کہا گیا کہ ٹیکنیکل فالٹس کولوڈ شیڈنگ میں شمارنہیں کیاجاسکتا ، کراچی میں 70فیصدفیڈرزلوڈ شیڈنگ سے مستثنیٰ ہیں ، 30فیصدفیڈرزپرچوری کیخلاف کارروائی پربجلی کی فراہمی متاثر ہوسکتی ہے۔
جواب میں کہنا تھا کہ 24سے27جون تک ڈیڑھ سےساڑھے 4 بجےتک لوڈشیڈنگ نہیں کی گئی، کےالیکٹرک نےہیٹ ویوکےدوران مختلف علاقوں میں ریلیف کیمپ لگائے۔
جواب میں مزید بتایا گیا کہ بجلی کی پیداواربڑھانےکےلیےمنصوبہ نیپراکےحوالے کردیا، منصوبے کے تحت 2029 اور 2030 تک 95 فیصد فیڈرز پر لوڈ شیڈنگ نہیں ہوگی۔
سندھ ہائی کورٹ نے کے الیکٹرک کے جواب پر دلائل طلب کرتے ہوئے سماعت 15 اگست تک ملتوی کردی۔
