نیویارک : کنٹرول لائن کی مسلسل بھارتی خلاف ورزیوں پر اقوام متحدہ اور امریکہ نے تشویش کا اظہارکیا ہے جبکہ پُرامن مذاکرات کے لیے زور دیا ہے۔
اقوام متحدہ کے سیکریٹری جنرل بان کی مون نے پاک بھارت کنٹرول لائن پر کشیدگی پر تشویش کا اظہار کیا ہے، اقوام متحدہ سے جاری بیان میں سیکریٹری جنرل نے پاک بھارت لائن آف کنٹرول پر حالیہ شیلنگ اور ہلاکتوں پر افسوس کا اظہار کرتے ہوئے جاں بحق افراد کے لواحقین سے اظہار ہمدردی کیا ہے۔
بان کی مون نے پاکستان اوربھارت پر زور دیا کہ وہ تنازعات کو مذاکرات کے ذریعے حل کریں اور دونوں ممالک سے کہا ہے کہ وہ انتہائی ضبط کا مظاہرہ کریں ۔
دوسری جانب امریکا نے بھی حالیہ کشیدگی پر دونوں ممالک پر امن مزاکرات کے لیے زور دیا ہے۔
Comments
- Advertisement -
