کراچی : صوبہ سندھ کے شہر شکارپور میں پی ایس 11 میں ضمنی انتخابات آج ہورہے ہیں جبکہ حلقے میں صبح آٹھ بجےسےپولنگ کا عمل جاری ہے۔
تفصیلات کےمطابق سندھ کے شہر شکارپور میں پی ایس 11 میں ضمنی انتخابات آج ہورہے ہیں جس کے لیے ووٹنگ کا عمل جاری ہے۔اس موقع پر سیکورٹی کے سخت ترین انتظامات کیے گئے ہیں۔
ضمنی انتخاب میں پی پی کے امیدوار امتیاز شیخ اور جے یو آئی ف کے امیدوار ناصر سومرو میں کانٹے کے مقابلے کی توقع ہے۔انتخاب کےلیے حلقے میں 105پولنگ اسٹیشن قائم کیے گئے ہیں جس میں سے ا29پولنگ اسٹیشنز کو انتہائی حساس اور 76کو حساس قرار دیا گیا ہے۔
پی ایس 11حلقے میں رجسٹرڈ ووٹررز کی تعداد 1لاکھ 35 ہزار چارسو تیس ہے۔رجسٹرڈ ووٹرز میں مرد ووٹرز کی تعداد 76ہزار چار سو انچاس اور خواتین ووٹرز کی تعداد 62ہزار 481ہے۔
واضح رہے کہ امتیاز شیخ کی پیپلز پارٹی میں شمولیت کی وجہ سے خالی ہونےوالی نشست پر ضمنی انتخاب کو الیکشن کمیشن اسلام آباد اور صوبائی الیکشن کمیشن مانیٹر کررہاہے۔
