ممبئی: بھارتی گلوکار سونو نگم نے اذان سے متعلق دیے گئے بیان پر شدید ردعمل سامنے آنے کے بعد وضاحت دے ڈالی۔
تفصیلات کے مطابق اذان سے متعلق دیے گئے بیان پر آنے والے ردعمل اور معاملے کی سنگینی کو دیکھتے ہوئے سونو نگم نے اپنے بیان پر وضاحت دے ڈلی۔
سماجی رابطےکی ویب سائٹ پر سونو نگم نے کہا کہ ’’میرا بیان مسلمان یا اذان مخالف نہیں تھا، میں نے لاؤڈ اسپیکر سے متعلق بات کی تھی‘‘۔
When I am talking about Loudspeakers, I did mention Temples and Gurudwaras too. Is it that hard to comprehend? Loosen up guys.
— Sonu Nigam (@sonunigam) April 18, 2017
انہوں نے کہا کہ ’’میرے ٹوئٹس کو مسلمان مخالف رنگ دینے کی کوشش کی جارہی ہے ، میں اپنے بیان پر آج بھی قائم ہوں کیونکہ میرا مقصد اذان کو کہنا نہیں بلکہ لاؤڈ اسپیکر پر تنقید کرنا تھا‘‘۔
And dear Everyone, for those who are tainting my Tweets anti Muslim, tell me 1 place where I have said anything related, & I’ll apologize.
— Sonu Nigam (@sonunigam) April 18, 2017
سونو نگم نے کہا کہ ’’مساجد ، مندر، اور گردواروں میں لاؤڈ اسپیکر کا استعمال نہیں ہونا چاہیےتاہم جن لوگوں کی دل آزاری ہوئی اُن سے معافی مانگتا ہوں‘‘۔
یاد رہے گزشتہ روز سونونگم نے اذان سے متعلق ٹوئیٹ کیا تھا جس کے بعد سوشل میڈیا پر انہیں شدید تنقید کا سامنا کرنا پڑا تھا، گلوکار کے مداحوں نے سنگر کو آڑے ہاتھوں لیا اور بیان کی مذمت کی تھی۔
