گرمیوں کے موسم میں ایسی اشیا کھانے کا دل چاہتا ہے جو اس سخت موسم میں سکون اور فرحت کا احساس دلائیں۔
اگر آپ اس موسم میں لسی یا ٹھنڈے مشروبات پی کر اکتا چکے ہیں تو منہ کا ذائقہ بدلنے کے لیے مزیدار رس ملائی تیار کریں۔
اجزا
دودھ: 1 لیٹر
الائچی پاؤڈر: 1 چائے کا چمچ
گھی: 1 چائے کا چمچ
بیکنگ پاؤڈر: 1 چائے کا چمچ
میدہ: 1 چائے کا چمچ
خشک دودھ: آدھا کلو
چینی: آدھا کلو
انڈہ: 1 عدد
ترکیب
رس ملائی بنانے کے لیے سب سے پہلے پین میں دودھ اور چینی ڈال کر ہلکی آنچ پر پکنے کے لیے رکھ دیں۔
اب ایک پیالے میں سوکھا دودھ، میدہ، الائچی پاؤڈر، گھی اور انڈہ پھینٹ کر ڈال دیں۔ ساتھ ہی بیکنگ پاؤڈر بھی شامل کردیں۔
اب اس میں تھوڑا تھوڑا کر کے گرم دودھ ڈالتے جائیں اور گوندھ لیں۔
اب ہاتھ پر گھی لگا کر بالز بنالیں اور دودھ میں ڈالتے جائیں۔
اس کے بعد 15 منٹ ڈھک کر رکھ دیں۔
آخر میں کیوڑا شامل کر دیں اور ڈش میں نکال کر ٹھنڈا کر کے سرو کریں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
