کراچی: سندھ اسمبلی میں خیراتی اداروں کیلئےعطیات وچندہ جمع کرنےسےمتعلق قانون منظور کرلیا گیا۔
تفصیلات کے مطابق عطیات وچندہ جمع کرنےوالےخیراتی اداروں کےلیےکڑی شرائط عائد کی گئی ہیں۔ منظور شدہ قانون کے تحت اسکول اور اسپتال کےعطیات کےسیاسی یا ذاتی مقاصدکیلئےاستعمال پرسزاہوگی۔
قانون کے تحت تمام خیراتی اداروں، پروموٹرز اور فنڈریزنگ مہم کو رجسٹرڈ کرانا ہوگا جب کہ چندہ وعطیات دینے والوں کو ذرائع آمدن بتاناہوں گے، اسی طرح خیراتی ادارے کوچندہ جمع کرنےکےمقاصدپیشگی وضع کرنےہوں گے۔
[bs-quote quote=”چندہ وعطیات دینے والوں کوذرائع آمدن بتاناہوں گے” style=”style-8″ align=”left”][/bs-quote]
سندھ چیئرٹی کمیشن اورچیئرٹی رجسٹریشن اتھارٹی قائم کی جائےگی اور خیراتی ادارہ تمام مالی حسابات کا مفصل ریکارڈ رکھنے کا پابند ہوگا۔
متعین اہداف کےعلاوہ خیراتی ادارہ عطیات کواستعمال نہیں کرسکےگا، چندہ و عطیات جمع کرانےوالےاداروں اور افرادکی رجسٹریشن کی جائےگی۔
خیراتی ادارےکی تمام مالی وسماجی سرگرمیوں کی مانیٹرنگ ہوگی اورسندھ چیئرٹی کمیشن قانون کی خلاف ورزی پررجسٹریشن منسوخی کامجازہوگا۔
