نیویارک : اسٹار وارز موویز کا جادو چالیس سال بعد بھی سر چڑھ کر بول رہا ہے، جس نے باکس آفس پر باقی ہالی فلموں کو پیچھے چھوڑ دیا ہے۔
تفصیلات کے مطابق ہالی کی ایکشن سے بھرپور اسٹار وارز سیریز کی نئی فلم ’اسٹار وارز: دا رائز آف اسکائی واکر‘ نے باکس آفس پر تمام فلموں کو پیچھے چھوڑ دیا۔
غیر ملکی خبر رساں ادارے کا کہنا ہے کہ فلم نے امریکن باکس آفس پر 3 دن میں 27 ارب 18 کروڑ روپے سے زائد کا شاندار بزنس کیا، یہ اب تک دسمبر کے مہینے میں کسی فلم کا تیسرا سب سے زیادہ بزنس ہے۔
- Advertisement -
غیر ملکی خبر رساں ادارے کا کہنا ہے کہ دوسرے نمبر پر براجمان ’دا نیکسٹ لیول‘ رہی ہے جس نے جمعے سے اتوار تک 3 دن میں 4 ارب روپے سے زائد رقم کمائی۔
غیر ملکی میڈیا کے مطابق اینی میٹڈ مووی فروزن ٹو نے ایک ارب 90 کروڑ روپے کا بزنس کیا اور یہ فلم امریکن باکس آفس پر تیسری پوزیشن پر ہے۔
