چیئرمین تحریک انصاف عمران خان نے کہا ہے کہ پنجاب ضمنی الیکشن میں سپریم کورٹ کے احکامات اور انتخابی قواعد کی ڈھٹائی سے خلاف ورزیاں کی گئیں جس پر الیکشن کمیشن نے آنکھیں بند کر رکھی ہیں عدالتیں اب کھلیں اور اس پر کارروائی کریں۔
ٹوئٹر پر جاری بیان میں عمران خان نے لکھا کہ پنجاب حکومت نےڈھٹائی سےسپریم کورٹ احکامات کی خلاف ورزی کی پنجاب حکومت نےالیکشن قواعد کی ڈھٹائی سےخلاف ورزی کی دھاندلی کےلیے سرکاری مشینری کاکھلےعام استعمال کیا گیا۔
عمران خان نے کہا کہ غیرقانونی بیلٹ اسٹیمپنگ اور ووٹرز کو ہراساں کیا گیا پی ٹی آئی رہنما گرفتار ہوئے جب کہ الیکشن کمیشن نے آنکھیں بندکیےرکھیں۔
پی ٹی آئی چیئرمین نے کہا کہ عدالتیں اب کھلیں اور اس پر کارروائی کریں۔
Today Punjab govt has brazenly violated SC orders & election rules by openly using all govt/State machinery to rig Punjab elections through illegal ballot stamping & harrassing voters while arresting PTI ldrs. Through it all ECP turned a blind eye. Courts must open now & act.
— Imran Khan (@ImranKhanPTI) July 17, 2022
اس سے قبل عمران خان نے شہباز گل کی غیر قانونی گرفتاری کی مذمت کرتے ہوئے کہا کہ نہ تو یہ فسطائی حربے مؤثر ثابت ہوں گے، نہ ہی ہمارے لوگ اپنا حقِ رائے دہی استعمال کرنے سے باز آئیں گے۔
انہوں نے کہا کہ امپورٹڈ حکومت کے سرپرستوں کو اس نقصان کا احساس ہونا چاہیئے جو وہ ہماری قوم کو پہنچا رہے ہیں۔
