ڈھاکہ : بنگلادیشی حکومت نے توانائی بحران سے نمٹنے کیلئے ڈیزل سے چلنے والے پاور پلانٹس بند کرنے اور ایک دن پیٹرول پمپ بند رکھنے سمیت کئے اہم فیصلے کر لیے۔
تفصیلات کے مطابق بنگلادیش میں توانائی کے بحران کے باعث حکومت نے ڈیزل سے چلنے والے تمام پاور پلانٹس بند کر دیئے۔
بنگلادیشی حکومت کی جانب سے توانائی بچت کے لیے ہفتے میں ایک دن پیٹرول پمپس بھی بند رکھنے کا فیصلہ کیا گیا ہے۔
- Advertisement -
بجلی بچت کے لیے دفتری اوقات میں کمی ، ورک فرام ہوم، لوڈ شیڈنگ اور رات آٹھ بجے کاروبار بند کرنا ہو گا۔
پاور ڈویلپمنٹ بورڈ کے مطابق توانائی بچت کی نئی پالیسی سے روزانہ تقریباً پندرہ سو میگاواٹ بجلی کا شارٹ فال پیدا ہونے کا امکان ہے۔
شارٹ فال کے باعث ملک بھر میں روزانہ کم از کم دو گھنٹے کی لوڈشیڈنگ کی جائے گی۔