ٹی 20 ولڈ کپ میں بھارت کے خلاف میچ سے قبل قومی ٹیم کے بیٹر فخر زمان باہر ہوگئے۔
کپتان بابر اعظم نے نیوز کانفرنس کرتے ہوے کہا کہ جارح مزاج اوپنر فخر زمان مکمل فٹ نہیں ہوئے وہ صحت یابی کی جانب گامزن ہیں اور وہ بھارت کے خلاف میچ کے لیے دستیاب نہیں ہوں گے۔
انہوں نے کہا کہ کل کے میچ میں فخر کی جگہ شان مسعود کو پلیئنگ الیون میں شامل کریں گے۔
Babar Azam "Fakhar Zaman's recovery is going well, but he's not fully fit yet and won't be available for the match against India" #T20WorldCup #INDvPAK
— Saj Sadiq (@SajSadiqCricket) October 22, 2022
انہوں نے کہا کہ قومی ٹیم کے تمام پلئیرز مکمل فٹ ہیں اور میچ کے دوران 100 فیصد پرفارمنس دینے کی کوشش کریں گے، بھارت کے خلاف پلیئنگ الیون ذہن میں ہے تاہم پچ دیکھ کر حتمی فیصلہ کریں گے۔
بابراعظم نے کہا کہ آف دی فیلڈ تمام پلئیرز کے ساتھ اچھے تعلقات ہیں، بطور اسپورٹ مین یہی ذمہ داری ہے کہ سب سے اچھے طریقے سے ملیں، انہوں نے کہا کہ ٹی20 فارمیٹ میں تمام ٹیمیں خطرناک ہوسکتی ہیں کسی ٹیم کو کمزور نہیں سمجھتے۔
واضح رہے کہ کل پاکستان اور بھارت کی ٹیمیں ورلڈ کپ کے اپنے پہلے میچ میں مدمقابل آئیں گی میچ پاکستانی وقت کے مطابق دوپہر ایک بجے شروع ہوگا۔