سابق آسٹریلوی آل راؤنڈر سائمن او ڈونل نے دعویٰ کیا ہے کہ پاکستان اور بھارت آسٹریلوی سرزمین پر ایک تاریخی ٹیسٹ میچ کھیلنے کے لیے بات چیت کر رہے ہیں۔
سین ریڈیو سے گفتگو کرتے ہوئے سابق آسٹریلوی آل راؤنڈر سائمن او ڈونل نے کہا کہ ٹی ٹوئنٹی ورلڈکپ کے بعد پاک بھارت ٹیسٹ میچ کا منصوبہ ہے۔
انہوں نے کہا کہ بھارت، پاکستان اور آسٹریلیا کے درمیان سہ ملکی ون ڈے سیریز یا ہندوستان اور پاکستان کے درمیان ٹیسٹ میچ کا امکان ہے اس متعلق بات چیت جاری ہے۔
سابق آل راونڈر کا کہنا تھا کہ 23 اکتوبر کو آسٹریلوی سرزمین پر پاک بھارت میچ جذبات سے بھرپور تھا نیوٹرل مقام پر 90 ہزار سے زائد افراد نے اسٹیڈیم میں میچ دیکھا جو انتہائی غیرمعمولی تھا۔
انہوں نے کہا کہ پاک بھارت میچ ٹورنامنٹ کا بہترین میچ تھا جس میں پریشر تھا جذبات تھے اور زبردست کرکٹ تھی ایسے کھیل کے مناظر دیکھے جو انتہائی شاندار تھے۔