کھایا پیا کچھ نہیں گلاس توڑا بارہ آنے! عمران خان کا لانگ مارچ راولپنڈی سے واپس چلا گیا اور اسلام آباد والے راہ تکتے رہے۔
وفاقی دارالحکومت اسلام آباد میں سکیورٹی کے نام پر 25 کروڑ 63 لاکھ روپےخرچ ہو گئے۔وزارت داخلہ نے 39 کروڑ 92 لاکھ روپے سے زائد کا بجٹ منظور کرایا تھا۔
یہ رقم کینٹینرز لگانے، فورسز کے قیام و طعام اور شیل کی خریداری کے لیے تھی۔ اسلام آباد کی مختلف شاہراہوں پر سیکڑوں کینٹینرز تقریبا ایک ماہ رکھے گئے۔
اسلام آباد میں مجموعی طور 13 ہزار 800 سکیورٹی اہلکار تعینات کیے گئے ان میں اسلام آباد اور سندھ کی پولیس، رینجرز اور ایف سی اہلکار شامل تھے۔
اہلکاروں نے 2442 شیل بھی استعمال کیے۔ سندھ حکومت نے اسلام آباد پولیس اہلکار بھیجنے پر کراچی اور حیدرآباد میں نفری کی کمی کو بنیاد بناتے ہوئے الیکشن کمیشن سے شیڈول بلدیاتی انتخابات بھی ملتوی کروائے۔
