پاکستان کے وزیر خارجہ بلاول بھٹو کا برطانوی ہم منصب جیمز کلیورلی سے ٹیلیفونک رابطہ ہوا جس میں دونوں ممالک کے درمیان حالیہ کرکٹ سیریز پر دلچسپ گفتگو ہوئی۔
اے آر وائی نیوز کے مطابق وزیر خارجہ بلاول بھٹو زرداری جو ان دنوں امریکا کے دورے پر ہیں اور کئی عالمی رہنماؤں سے ملاقاتیں کر رہے ہیں ان کا گزشتہ روز اپنے برطانوی ہم منصب جیمز کلیورلی سے ٹیلیفونک رابطہ ہوا جس میں دونوں کے درمیان حال ہی میں پاکستان میں دونوں ممالک کے درمیان کھیلی گئی ٹیسٹ سیریز پر دلچسپ گفتگو ہوئی۔
گفتگو کے آغاز میں بلاول بھٹو زرداری نے ٹیسٹ سیریز جیتنے پر برطانوی وزیر خارجہ کو مبارک باد پیش کی۔
بلاول نے کہا کہ سیریز کا نتیجہ کیا رہا۔ یہ کوئی معنی نہیں رکھتا۔ اہم یہ ہے کہ پاکستان میں انٹرنیشنل کرکٹ واپس ہوئی ہے اور دونوں ممالک کے درمیان تعلقات مضبوط سے مضبوط تر ہو رہے ہیں۔
اس موقع پر برطانوی وزیر خارجہ جیمز کلیورلی کا کہنا تھا گزشتہ روز دوپہر سے یہاں پر کرکٹ پر ہی بات ہو رہی ہے۔
دونوں رہنماؤں کے درمیان اس موضوع پر خوشگوار انداز میں مزید گفتگو بھی ہوئی۔ بات چیت کی یہ ویڈیو دونوں وزرائے خارجہ نے اپنے ٹوئٹر اکاؤنٹ پر شیئر کی۔
Good to catch up with @JamesCleverly. Congratulations on 🏏 victory. No matter the result 🇵🇰 is excited to have international cricket back in 🇵🇰. 🇬🇧 🤝 🇵🇰 ties are going from strength to strength. pic.twitter.com/9nJNxkS99h
— BilawalBhuttoZardari (@BBhuttoZardari) December 22, 2022
واضح رہے کہ انگلینڈ نے تاریخ میں پہلی بار پاکستان کو اس کی سرزمین پر ٹیسٹ سیریز میں وائٹ واش کیا ہے۔
