سابق چیئرمین پی سی بی رمیز راجہ نے پی سی بی حکام سے رابطہ کیا ہے۔
پی سی بی ذرائع کے مطابق سابق چیئرمین پی سی بی رمیز راجہ نے پی سی بی سے 60 سال سے زائد عمر پر پنشن لینے والے کرکٹرز کی فہرست میں نام شامل کرنے کی درخواست کی ہے۔
ذرائع کے مطابق پی سی بی حکام کوڈ آف کنڈکٹ پر دستخط کرنے کے بعد پنشن دینے پر راضی ہے۔
- Advertisement -
واضح رہے کہ کوڈ آف کنڈیکٹ پر دستخط کرنے پر پنشن لینے والا کرکٹر بورڈ پالیسیوں پرتنقید نہیں کرسکتا، کوڈ آف کنڈکٹ کی خلاف ورزی پر سرفراز نواز کی پنشن بند ہے۔
ذرائع پی سی بی کے مطابق رمیز راجہ نے اپنے دور میں سابق کرکٹرز کی پنشن میں ایک لاکھ روپے اضافہ کیا تھا، انہوں نے پنشن میں اضافہ اپنی عمر 60 سال ہونے پر کیا تھا۔
خیال رہے کہ رمیز راجہ نے چیئرمین شپ سے ہٹنے کے بعد بورڈ کی نئی انتظامیہ پر کھلی تنقید کرتے رہے ہیں۔
