کراچی میں پہلی بار خواتین کیلئے مخصوص پنک بس سروس کا آغاز آج سے ہوگا۔
تفصیلات کے مطابق پنک پیپلز بس سروس کا افتتاح وزیر ٹرانسپورٹ سندھ کریں گے، تقریب کا انعقاد فریئر ہال میں کیا جائے گا، جہاں سے ابتدائی طور پر 6 بسیں چلائی جائیں گیں۔
وزیر ٹرانسپورٹ سندھ شرجیل میمن کا کہنا ہے کہ پنک بس سروس سے خواتین کو بہترین سفری سہولیات ملیں گی۔
- Advertisement -
شرجیل میمن نے بتایا ہے کہ پنک بس سروس دفتری اوقات میں ہر 20 منٹ کے بعد چلیں گی، دفتری اوقات کے بعد ہر ایک گھنٹے بعد پنک بس سروس چلائی جائے گی۔
شرجیل میمن نے بتایا کہ پہلے روٹ کے لیے ماڈل کالونی ، شاہراہ فیصل تا ٹاور روٹ کا انتخاب کیاگیا، پنک پیپلز بس سروس کا آغاز خصوصاً ملازمت پیشہ خواتین کیلئےکیا جارہا ہے۔
وزیر ٹرانسپورٹ سندھ شرجیل میمن نے مزید کہا کہ کراچی کے عوام سے کئے وعدوں کی تکمیل کی طرف تیزی گامزن ہیں۔
