ممبئی : ماضی کی معروف بالی ووڈ اداکارہ زینت امان نے بھی سوشل میڈیا پر انٹری دے دی، نئی تصاویر دیکھ کر ان کے مداحوں میں خوشی کی لہر دوڑ گئی۔
اب زینت امان بھی انسٹاگرام نہ صرف استعمال کریں گی بلکہ اس کے ذریعے انڈسٹری کے لوگوں، اپنے مداحوں اور فلم بینوں سے رابطے میں رہیں گی۔
انہوں نے انسٹا گرام پر اپنی پہلی پوسٹ شیئر کرتے ہوئے اس اُمید کا اظہار کیا کہ وہ اب عہد حاضر کی نوجوان اداکاراؤں کے ساتھ رابطے میں رہیں گی۔
انہوں نے اس خیال کا بھی ظاہر کیا کہ وہ 70 کے عشرے میں فلموں میں کام کرنے والی غالباً واحد خاتون اداکارہ ہیں جو اب انسٹاگرام یوز دے رہی ہیں۔
سال 1970میں مس ایشیا پیسیفک انٹرنیشنل کا ٹائٹل جیتنے والی زینت امان طویل عرصہ تک لوگوں کے دلوں پر راج کرتی رہیں اداکارہ ایک سے بڑھ کر ایک فلمیں دے چکی ہیں۔
ان کے اس پلیٹ فارم پر آنے سے ان کے مداح بہت خوش ہیں اور ان کی تعریف کر رہے ہیں، زینت امان نے 71 سال کی عمر میں سوشل میڈیا پر ڈیبیو کیا ہے۔
انسٹاگرام پر شیئر کی گئی تصاویر میں وہ بہت خوبصورت نظرآرہی ہیں، انٹرنیٹ صارفین نے انسٹا گرام پر زینت امان کا خیرمقدم بھی کیا اور ان کی تعریف بھی کی۔
