کراچی : سپرہائی وےجمالی پل کےقریب پولیس افسر کی تیز رفتار گاڑی نے تین بہن بھائیوں کو کچل ڈالا، جس کے نتیجے میں ایک بچہ جاں بحق اور دو زخمی ہوگئے۔
تفصیلات کے مطابق کراچی میں سپرہائی وےجمالی پل کےقریب ٹریفک حادثہ پیش آیا ، جہاں پولیس کی تیزرفتارگاڑی نے 4 افراد کو ٹکر مار دی۔
ریسکیوذرائع نے بتایا کہ حادثے میں ایک بچہ جاں بحق اور 2 زخمی ہوئے ، جاں بحق اورزخمی بچےبہن بھائی ہیں۔
عوام کو جمع ہوتے دیکھ کر ڈرائیور نے گاڑی بھگادی، عینی شاہد نے بتایا کہ خاتون اور تین بچے سڑک کراس کر رہے تھے،پولیس افسر کی تیز رفتار گاڑی نے چاروں کو ٹکر ماری،تینوں بچے اور خاتون دور جاگرے۔
عینی شاہد کا کہنا تھا کہ کار میں خاتون بیٹھی تھی ڈرائیور چلا رہا تھا، خاتون کا کہنا تھا کہ میں پولیس کی فیملی سے ہوں۔
ریسکیو حکام کے مطابق جاں بحق بچے کی شناخت 10 سالہ محسن کے نام سے ہوئی جبکہ 6 سالہ عائشہ اور 8 سالہ حسنین شدید زخمی ہیں۔
