کراچی : گرین لائن بس حادثے کی سی سی ٹی وی فوٹیج سامنے آنے کے بعد ڈرائیور کا جھوٹ پکڑا گیا۔
تفصیلات کے مطابق کراچی ناگن چورنگی کے قریب گرین لائن بس حادثے کی سی سی ٹی وی فوٹیج سامنے آگئی۔
جس کے بعد ڈرائیور کا جھوٹ پکڑا گیا، ڈرائیور نے بیان دیا تھا بچے کو بچاتے ہوئےگاڑی بے قابو ہوکرفٹ پاتھ پرچڑھ گئی تھی۔
- Advertisement -
فوٹیج میں دیکھا جا سکتا ہے کہ تیز رفتار بس اچانک فٹ پاتھ پر چڑھ گئی، کوئی سامنے نہیں آیا تھا۔
مبینہ طور پر ڈرائیورکی غفلت یا اونگھ آنے کی وجہ سے حادثہ پیش آیا، حادثے کے نتیجے میں ڈرائیور، خاتون مسافر اور دیگر کو چوٹیں آئیں۔
حادثےکی وجہ سے گرین لائن بس کو بھاری نقصان پہنچا تھا جبکہ حادثے کے بعد کئی مسافر شیشے توڑ کر بس سے باہر نکلے تھے۔
