اسلام آباد : چیئرمین تحریک انصاف عمران خان کا کہنا ہے کہ امپورٹڈ حکومت کی بدولت ہم جس حد تک گرگئے ہیں اسکا مشاہدہ کرکے شرمندگی ہوتی ہے۔
تفصیلات کے مطابق تحریک انصاف کے چیئرمین عمران خان نے سماجی رابطے کی ویب سائٹ ٹوئٹر پر گرفتار لیفٹیننٹ جنرل (ر) امجد شعیب کی تصویر شیئر کرتے ہوئے لکھا ‘پاکستانی کی حیثیت سےشرمندگی ہوتی ہےکہ یہ کس حد تک گرگئے ہیں۔
عمران خان کا کہنا تھا کہ یہ اقتدار سے چمٹے رہنے اور تمام اختلافی آوازوں کو دبانا چاہتے ہیں ، انہوں نے ایک معزز اور محب وطن پاکستانی کو بغاوت کے الزام میں جیل بھیج دیا۔
I feel embarrassed as a Pakistani to witness the depths we have sunk to thanks to this imported regime of a cabal of crooks & their handlers. In desperation to cling to power & muzzle all dissenting voices, they have jailed a respected, patriotic Pakistani on sedition charges. pic.twitter.com/YCo9F371vU
— Imran Khan (@ImranKhanPTI) March 2, 2023
گذشتہ روز سابق وزیراعظم نے دوبارہ حملے کا خدشہ ظاہر کرتے ہوئے کہا تھا کہ اب بھی حملہ ہوسکتا ہے، میں نے ٹیپ رکھی ہوئی ہے کہ کون مجھے قتل کرنا چاہتا ہے؟ان تین لوگوں کے علاوہ اور دو لوگ اور بھی ہیں جن کے نام ٹیپ میں ہیں۔
سابق وزیراعظم کا کہنا تھا کہ مجھ پر ہونے والے حملے کا نواز شریف کو پتا تھا تسنیم حیدر کا بیان سامنے آیا، اس نے بتایا کہ مجھے اور ارشد شریف کے قتل کا پلان بنایاگیا، جی آئی ٹی نے تسنیم حیدر کا بیان ریکارڈ کیا، نگراں حکومت نے نجانے کس مجبوری میں جے آئی ٹی کو ختم کردیا۔