کراچی : نارتھ ناظم آباد میں کارلفٹر نجی اسپتال کے سامنے سے ایمبولینس لے اڑا، واردات کی سی سی ٹی وی فوٹیج سامنے آگئی۔
تفصیلات کے مطابق کراچی کے علاقے نارتھ ناظم آباد نجی اسپتال کے باہر سے ایمبولینس چوری کی واردات پیش آئی۔
کار لفٹر اسپتال کے سامنے سے گاڑی لے اڑا ، واردات کی سی سی ٹی وی فوٹیج سامنے آگئی ہے۔
- Advertisement -
سی سی ٹی وی فوٹیج میں ملزم کو کار کے قریب آتے دیکھا جا سکتا ہے ، ملزم کافی دیر تک گاڑی کے پاس کھڑا رہا اور اچانک کارلفٹر ڈرائیونگ سیٹ پر بیٹھا اورگاڑی اسٹارٹ کرنے کی کوشش کی۔
فوٹیج کے مطابق ملزم سے فوری طور پر گاڑی اسٹارٹ نہ ہوئی اور گاڑی اسٹارٹ ہوتے ہی ملزم تیزی سے گاڑی بھگا کر لے گیا۔
پولیس کا کہنا ہے کہ وائرلیس انٹری چلا دی گئی ہے، کوشش ہے جلد سے جلد گاڑی برآمد کرکے ملزم گرفتارکرلیا جائے۔
