کراچی : تفتیشی حکام نے نجی اسکول کے ڈائریکٹرخالد رضا اور مولانا عبدالقیوم کے قتل میں مماثلت کے بعد گلستان جوہر اور سچل کےعلاقے میں سلیپر سیلز کی تلاش شروع کردی۔
تفصیلات کے مطابق کراچی میں مولاناعبدالقیوم کے قتل کی تحقیقات کادائرہ وسیع کر دیا گیا، تفتیشی حکام نے گلستان جوہر اور سچل کےعلاقے میں سلیپرسیلزکی تلاش شروع کردی ہے۔
حکام نے بتایا کہ پولیس سمیت تین مختلف ادارے تحقیقات کر رہے ہیں ، نجی اسکول کے ڈائریکٹر خالد رضا اور مولانا عبدالقیوم کے قتل میں مماثلت ہے، دونوں شخصیات کو سر پر ایک ہی گولی ماری گئی۔
- Advertisement -
تفتیشی حکام کا کہنا تھا کہ دونوں وارداتوں میں ایک موٹر سائیکل پر 2 ملزم سوارتھے جبکہ ملزمان کا حلیہ بھی مماثل ہے۔
حکام کے مطابق مولانا عبدالقیوم پر حملے سے پہلے ریکی بھی کی گئی جبکہ خالد رضا کو بھی ریکی کے بعد قتل کیا گیاتھا۔
