کوئٹہ : مقامی عدالت نے رہنما پی ٹی آئی حسان خان نیازی کو ایک روزہ راہداری ریمانڈ پر لاہور پولیس کے حوالے کردیا۔
تفصیلات کے مطابق چیئرمین تحریک انصاف عمران خان کے بھانجے اور ان کے فوکل پرسن حسان نیازی کو ایک روزہ راہداری ریمانڈ پر لاہور پولیس کے حوالے کردیا گیا ہے۔
حسان نیازی کو جوڈیشل مجسٹریٹ سیون کے روبرو پیش کیا گیا، جہاں لاہور پولیس نے راہداری ریمانڈ پرحوالے کرنے کی استدعا کی۔
جوڈیشل مجسٹریٹ کلیم اللہ موسیانی کی عدالت نے ملزم حسان نیازی کو چیمبر میں طلب کرکے راہداری ریمانڈ دیا گیا۔
اس سے قبل چیئرمین تحریک انصاف عمران خان کے بھانجے اور ان کے فوکل پرسن حسان نیازی تھری ایم پی او کے تحت جیل میں نظر بند کیا تھا۔
بیرسٹر حسان خان نیازی کو محکمہ داخلہ بلوچستان نے تھری ایم پی او کے تحت ڈسٹرکٹ جیل کوئٹہ میں نظر بند کیا گیا تھا۔
جوڈیشل مجسٹریٹ کلیم اللہ موسیانی کی عدالت نے ملزم حسان نیازی کو چیمبر میں طلب کرکے راہداری ریمانڈ دیا گیا
اس موقع پر حسان نیازی کے وکیل اقبال شاہ نے کہا کہ حسان نیازی کو عدالت میں ہتھکڑیاں لگا کر پیش کیا گیا جو غلط اقدام ہے، پنجاب پولیس کی پھرتیاں دیکھنے والی ہیں یہ حسان کو بذریعہ سڑک لے گئے، یہ بھی تشدد ہے کہ انہیں چار چار دن تک سونے نہیں دیا جارہا۔
