کراچی : پولیس نے نمائش چورنگی کے قریب فلاحی ادارے کے دسترخوان سے چور کو رنگے ہاتھوں گرفتار کرلیا، ملزم دستر خوان پر سحری کرتے شہریوں کی جیب کاٹ رہا تھا۔
تفصیلات کے مطابق کراچی میں سولجر بازار پولیس نے نمائش چورنگی کے قریب کارروائی کرتے ہوئے فلاحی ادارے کے دسترخوان سے چور کو رنگے ہاتھوں گرفتار کرلیا۔
ایس ایس پی ایسٹ زبیر نذیر نے بتایا کہ ملزم دستر خوان پر سحری کرتے شہریوں کی جیب کاٹ رہا تھا ، گرفتار ملزم کامران سحری کے وقت نمائش پہنچ جاتا تھا۔
- Advertisement -
ملزم سحری کرنے والے غریب لوگوں کی جیب سے موبائل فون نکال لیتا ،ملزم جیب سے موبائل فون چوری کے دوران موقع پر گرفتار کیا گیا۔
ایس ایس پی ایسٹ زبیر نذیرنے کہا کہ گرفتاری کے وقت ملزم سے چوری شدہ دو موبائل فون برآمد ہوئے ،ملزم کے خلاف مقدمہ درج کرکے مزید تفتیش کی جارہی ہے۔
