خاتون کی بہتے دریا پر چلنے کی ویڈیو سوشل میڈیا پر وائرل ہوگئی جسے صارفین دیکھ کر حیران ہوگئے تاہم اس ویڈیو کی حقیقت کچھ اور ہی ہے۔
سوشل میڈیا مختلف قسم کے کنٹینت سے بھرا ہوا ہے۔ اس کنٹینٹ میں خصوصی مہارت سے لے کر جنگلی حیات تک آپ کو بے شمار تصاویر اور ویڈیوز مل سکتے ہیں۔ بعض اوقات، کچھ مواد ایسے ہوتے ہیں جسے دیکھ کر آپ میں بہت زیادہ تجسس پیدا ہوتا ہے اور آپ حیران ہوجاتے ہیں۔
تاہم اسی طرح کی سوشل میڈیا پر وائرل ہونے والی ویڈیو میں ایک خاتون کو بہتے دریا پر چلتے ہوئے دکھایا گیا ہے، ویڈیو میں دکھایا گیا ہے کہ ایک بڑی چریا ہے جس پر خاتون ڈوبے بغیر اس کی سطح پر چل رہی ہے۔
@saurabhtop @TheLallantop @zoo_bear @ANI
please do fact check and analysis of below..
Location : narmada river, Jabalpur #narmadamata @ChouhanShivraj pic.twitter.com/5IPL8vHx4e— Maseeeeha (@kedar5gautam) April 8, 2023
ویڈیو شیئر کرنے والے صارف کے مطابق یہ ویڈیو دریائے نرمدا، جبل پور، مدھیہ پردیش بھارت کی ہے، مقامی بھارتی عقیدت مندوں نے جیسے ہی یہ وائرل ویڈیو دیکھی تو "ما نرمدا کے درشن” کے لیے دریا پر پہنچ گئے۔
جس کے بعد پراسرار خاتون جیوتی رگھوونشی جس کو دریا کی دیوی کے طور پر سراہا جا رہا تھا، اس نے پولیس کو بتایا کہ وہ نرمدا پورن کی رہنے والی ہے اور 10 ماہ قبل اپنا گھر چھوڑ کر گئی تھی۔
جیوتی نے بتایا کہ چونکہ دریائے نرمدا کے پانی کی سطح کچھ جگہوں پر بہت کم تھی اور وہ صرف دریا کے کنارے پر چل رہی تھی اس لیے وہ نہیں ڈوبی۔