پنجاب کے شہر بہاولنگر میں دو ملزمان نے گھر میں گھس کر مسجد کے امام کو تشدد کے بعد قتل کر دیا۔
مقامی پولیس کے مطابق واقعہ گردھاری والا کے علاقے میں پیش آیا جہاں فون پر برا بھلا کہنے کی رنجش پر ملزمان نے مسجد کے امام کو قتل کیا۔
پولیس کا کہنا ہے کہ امام کی شناخت محمد احمد کے نام سے ہوئی ہے جو اپنے بیوی بچوں کے ساتھ گھر پر موجود تھا کہ دو ملزمان اچانک گھر میں گھس آئے۔
- Advertisement -
ملزمان نے اہل خانہ کو ایک کمرے میں بند کیا اور آہنی راڈ وغیرہ سے محمد احمد کو بہیمانہ تشدد کا نشانہ بنایا جس سے جاں بحق ہوگئے۔
